Kona lítur við - Brynja Hjálmsdóttir
- Kilja
- 80 bls
- 14 x 21,5 cm
- ISBN: 9789935946812
Ljóðabókin Kona lítur við er gáskafullt og femínískt furðuverk í þremur hlutum, fullt af eftirminnilegum myndum og ögrandi meiningum. Í verkinu er víða litið við, svo sem í sjó, saumaklúbbi, hárgreiðslustofu, bílskúr og fylgsni undarlegs óramanns. Ferðalaginu lýkur loks í stórbrotinni útópíu. Kona lítur við er eftirtektarverð bók sem læðist aftan að lesendum.
Kona lítur við er önnur bók Brynju Hjálmsdóttur. Hún hefur áður sent frá sér ljóðverkið Okfrumuna sem hlaut tilnefningu til Fjöruverðlaunanna og Rauðu hrafnsfjaðrarinnar, auk þess sem hún var valin ljóðabók ársins af starfsfólki bókabúða.
LINDÝR
Kona æðir
út í garð
Rótar og rótar og rótar í jörðinni
snýr við steinum og laufblöðum
gömlu pallaefni og plastpokum
til að finna þá
Sniglana
sem hún rekur á hol með silfurgaffli
safnar í lítið skrín
til að færa
honum
Lækninum sem leggur
huggandi orð í munna
og hryggleysingja í hylki
sprautar þeim í varir
svo þær megi fyllast og blása út
Svo þær megi minna
á tvo digra snigla
í ástríku faðmlagi