Fréttir

Nú í janúar kom út bókin Árstíðir, sem er fyrsta bókin sérstaklega ætluð fólki sem er að læra íslensku sem annað mál. Karítas sagði Lestrarklefanum frá tilurð bókarinnar og sagnanna í henni á síðu Lestrarklefans..

Okfruman eftir Brynju Hjálmsdóttur er besta ljóðabók ársins að mati bóksala. Hún er á lista með öðrum frábærum ljóðskáldum, Fríðu Ísberg og Gerði Kristnýju. https://www.skald.is/single-post/2019/12/12/Ver%C3%B0laun-b%C3%B3ksala-rata-einkum-til-kvenna

Brynja og Sverrir Norland skyggnast á bakvið tjöldin við gerð Okfrumunnar og svara loks þeirri spurningu hvort Brynja myndi fá sér tattú af Jackie Chan eða Bruce Lee! Allt viðtalið má lesa á Leslistanum .

Una útgáfuhús gefur út tvær ljóðabækur fyrir jólin, Okfrumuna eftir Brynju Hjálmsdóttur og Þetta er ekki bílastæði eftir Brynjólf Þorsteinsson. Um er að ræða fyrstu verk ungra og efnilegra höfunda. Að gefnu tilefni er efnt til tvöfalds útgáfufagnaðar miðvikudaginn 6. nóvember í Mengi á Óðinsgötu. Þér og þínum er boðið að fagna með höfundum sem stíga brattir fram á ritvöllinn brynjaðir frábærum bókum. Höfundar kynna og lesa úr verkum sínum og Birkir Sveinbjörnsson þeytir skífum. Í boði eru léttar veitingar og bækurnar verða fáanlegar á tilboðsverði.